Gedanke zu Perfektionierig im Spracherwerb

 

Weme vo usländer erwartet, e nöi sprach z'lerne, erwartet me nid, dass si se grammatikalisch richtig oder am kontext apassti wörter benutze. Das chunnt allmälech mit vil üebig. Was erwartet wird, isch the appropriate information response, dass si grob dr Inhalt chöi i iri sprach und zrügg wandle, bewusst, dass t'zitform, modalität (usw.), es stück wit vom kontext abgleitet wird.

Um falschi wortwahl und grammatik glich z'verstah, bruchts (normalerwis, z.B. ganz klar im Chinesisch) perfektionierig vo zentrale elemänt vor ussprach und Reaktionsfähigkeit vom lexikalische gedächnis. D.h. Repetition vo dene 2 sache i churzem zitrum, demit me cha forme und strukturiere ohni perfektionierig, um so i langem zitrum z'üebe. Ussert bi satz-paradigme, z.B. du hesch es grammatikalischs Konzept, e bispil satz und wenn du anderi sätz anhand vo dem muster formuliersch wirsch vilicht bim 13. mal ke fähler me mache.

Denn müesst me für die paradigme nacheme buech gah und sich die alli merke (im gedächnis perfektioniere) und ir awändig nadisna verbessere. I es paar mönet hesch se vilicht im gedächtnis, aber ir awändig bisch no jahre devo entfärnt se z'perfektioniere. Ig het ke text fählerfrei chönne schribe mit 16i, es git ja au vili "usnahme" wome muess begägne.

E "erwachsni" sprach brucht lang zum perfektioniere, es isch mindistens e 2. sprach und drum wärs gäbiger chönne se gmischt z'verwände im bewusste versuech eini z'üebe, aber glich sech zilorientiert z'verständige. Ussert me isch so verspilt, dass es eim nüt usmacht nume in absurde witzli z'kommuniziere mit däm wome kennt, oder so ärnst im spracherwerb, dass eim t'limite vom sagbare nid störe.

T’rolle vomne sprachunterricht isch dr perfektionierigsteil vom lernprozäss azrege, da wos ne grad brucht. Ir «freizit» bruchts kei perfektionierig oder ischs schwirig eini z'becho (ussert vo irgendere grossmueter, wo sech zit nimmt di z'korrigiere). Repetition bruchts ganz bewusst bir perfektionierig und ganz spontan bir konversation oder bim läse. Nöiheite bruchts im unterricht weme e perfektionierigsschirtt witer isch und süscht chunnts vor neugier, süsch ischs ke gueti idee.

Immersion am afang isch au numme guet, um usezfinde, was me muess säge, um glich verstande z'wärde und halt für di vile nöiheite (für öpper wo neugierig druf isch). E lehrperson wo verständigung uf t'zilsprach beschränkt het es perfektionierigszil, wenn nid ischs eifach zitverschwändig. Es perfektionierigszil isch ziteffiziänt, me erwartet genau s'gliche vo allne, aber es brucht au e geduldigi haltig und mehreri alöif, bis e schüeler t'perfektionierig im chopf und ir exekution zäme het.